Bloomberg: НАТО подготвува план за можна војна со Русија

НАТО подготвува стратегија за случај на руски напад врз источното крило на Алијансата, при што се очекува беспилотните летала, вештачката интелигенција и конвенционалните воени сили да одиграат клучна улога во планот.

Највисокиот воен командант на НАТО во Европа подготвува стратегија чија цел е да ѝ овозможи на Алијансата брзо да ги запре и порази руските сили во случај на напад врз источното крило.

Документот, насловен „Теорија на победата“, треба да биде претставен на 12 октомври во Полска од страна на генералот Алексус Гринкевич, Врховниот сојузнички командант за Европа. Bloomberg имаше увид во верзијата на документот што не е класифицирана како тајна.

- Advertisement -

Според високи функционери и дипломати запознаени со планот, документот има за цел да дефинира како НАТО би одговорил на можен напад врз територијата на една од земјите-членки. Темата повторно стана актуелна по низата извештаи кои сугерираат дека Москва размислува за такво сценарио.

„Целта е да се задржи предноста на НАТО“
Генералниот секретар на НАТО, Марк Руте, неодамна изјави дека нема индиции оти Русија подготвува конвенционален напад врз членките на Алијансата, но предупреди дека Европа мора да се подготви за долготрајни хибридни напади.

„Целта на ’Теоријата на победата‘ на Врховниот сојузнички командант за Европа е едноставна: да се задржи предноста на НАТО“, рече О’Донел. „Со оглед на нестабилното и сложено глобално безбедносно опкружување, мораме веднаш да создадеме услови за одвраќање на агресијата и, доколку е потребно, да излеземе како победници во случај на напад.“

Интегрирање на традиционалното оружје и новите технологии
Иако основните принципи на војување на НАТО се добро познати, тие ретко се јавно артикулирани. Преку оваа иницијатива, Алијансата има за цел да ја покаже својата подготвеност пред јавноста, истовремено овозможувајќи појасен увид во тоа како би се искористиле зголемените трошоци за одбрана.

Според извори кои сакале да останат анонимни, документот треба да им покаже на сојузниците како НАТО планира да го интегрира традиционалното вооружување со новите технолошки решенија развиени по руската инвазија на Украина во 2022 година.

Овој потег има за цел да поттикне поголеми инвестиции во одбраната и да ја зголеми подготвеноста на земјите-членки. Истовремено, стратегијата ја нагласува одбранбената природа на НАТО и потребата да се избегнат ненамерни провокации. Воедно, заедничкото спротивставување на хибридните закани – односно агресивните дејства што се под прагот на отворен конфликт – се издвојува како клучен елемент на одвраќањето.

Документот ја пренесува пораката дека, преку демонстрирање на својата подготвеност, НАТО треба да ги убеди противниците оти немаат никакви изгледи за победа.

Како би изгледал одговорот на напад?
Во случај на напад, НАТО би се обидел да го запре напредувањето користејќи комбинација од копнени сили и ресурси од иницијативата за одвраќање на Источното крило.

Планот предвидува употреба на евтини беспилотни летала, системи со минимален број на персонал и вештачка интелигенција за лоцирање и избор на цели.

Откако ќе обезбеди слобода на маневрирање, Алијансата би се обидела да ги уништи непријателските системи за команда и контрола со цел што побрзо и поодлучно да ги порази руските сили.

Европските членки на НАТО значително ги зголемија трошоците за одбрана во последните години, што го отвора прашањето каде треба да се насочат тие средства. Една од дилемите е дали да се даде приоритет на традиционалното вооружување, како што се тенковите, или на новите технологии кои се покажаа како клучни во војната во Украина.

Ова лето, Соединетите Држави испратија прашалник до своите сојузници за да ги проценат нивните трошоци за одбрана и поддршката за политиките на американскиот претседател Доналд Трамп.

| 29 септември Добиените податоци треба да послужат како основа за одлуки во врска со планираното намалување на американските воени ресурси наменети за одбрана на Европа.

Како дел од истиот прашалник, САД исто така ги прашаа сојузниците дали располагаат со дополнителни сили што би можеле да ѝ се стават на располагање на НАТО за спроведување на одбранбените планови на генералот Гринкевич.