Бери Манилоу сподели на Инстаграм вести за својата здравствена состојба, но и оптимизам

Топ Вести - Слушај сега

Легендарниот музичар Бери Манилоу, познат по својот незаборавен хит „Копакабана“, објави дека му е дијагностициран рак на белите дробови на 82-годишна возраст.

- Advertisement -

Тој ја сподели оваа тешка вест со обожавателите преку Инстаграм, откривајќи дека дијагнозата дошла по долгата борба со бронхитис.

Во својата објава, Манилоу прво ги спомена неодамнешните добротворни концерти.

– Завршивме пет прекрасни божиќни концерти во театарот Мекалум во Палм Дезерт. Ова беше седми пат како ги организираме овие добротворни настапи и успеавме да собереме милиони долари за непрофитни организации низ долината Коачела.

Ви благодариме на сите што купивте билети и ги поддржавте овие прекрасни акции – напиша Манилоу.

Потоа откри дека неодамна преболел шестнеделен бронхитис, кој подоцна се вратил и траел уште пет недели.

Иако се опоравил и се вратил на сцената, неговиот лекар го испратил на магнетна резонанца како превентивна мерка.

– Иако се опоравив од бронхитис и ги продолжив моите настапи во Вестгејт Лас Вегас, мојот матичен лекар нареди магнетна резонанца само за да се увери дека сè е во ред.

За жал, магнетната резонанца откри канцерогена дамка на мојот лев бел дроб кое треба да се отстрани.

За среќа, благодарение на брзата реакција и на мојот фантастичен доктор, туморот беше откриен рано, што е многу добра вест – напиша тој.

Да се потсетиме на најпознатиот хит на Манилоу, Копакабана: