Барди отпадна од националниот тим поради повреда

Капитенот на македонската фудбалска репрезентација, Енис Барди, поради повреда на коленото ќе ги пропушти двата претстојни контролни натпревари против Босна и Херцеговина и Турција.

„Барди се појави на собирот на националниот тим, но по извршените медицински прегледи беше утврдено дека не е во можност да му се стави на располагање на селекторот“, соопшти вечерва ФФМ.

Македонските фудбалери во петок гостуваат во Сараево кај Босна и Херцеговина, а на 1 јуни во Истанбул ќе играат против Турција.

- Advertisement -

Овие два контролни натпревари против селекции кои ќе настапат на претстојното Светско првенство ќе бидат дел од подготовките на избраниците на новиот селектор Гоце Седлоски за настапот во Б-дивизијата на Лигата на нации оваа есен.