Авион на јужнокорејската „Ер Бусан“ денеска се запали на меѓународниот аеродром Гимхе во Бусан, при што се евакуирани сите 169 патници и седумте членови на екипажот, објави Јонхап.
Пожарот започнал во крајниот дел на авионот.
Нискобуџетната компанија „Ер Бусан“ (Air Busan) е дел од „Азијана ерлајнс“, која минатиот месец ја купи „Кореан ер“.
Инцидентот се случи еден месец по најсмртоносната авионска катастрофа на јужнокорејско тло, кога авион на компанијата „Џеџу ер“ (Jeju Air) од Бангкок се урна на пистата на аеродромот Муан за време на итно слетување, при што загинаа 179 од вкупно 181 лице во него.
