Арагчи негира тајни контакти со Витоф

Топ Вести - Слушај сега

Иранскиот министер за надворешни работи Абас Арагчи негира дека во последните денови имал директни контакти со американскиот претставник Стив Виткоф, обвинувајќи ги властите во САД дека шират дезинформации.

- Advertisement -

Арагчи изјави дека последната комуникација меѓу двајцата се случила пред Вашингтон да одлучи да ги прекине дипломатските напори и да започне, како што рече, „нелегален воен напад“ врз Иран.

– Секое тврдење дека сум бил во контакт со Виткоф има за цел да ги доведе во заблуда трговците со нафта и пошироката јавност – нагласи иранскиот министер.

Претходно, американскиот портал Aксиос објави, повикувајќи се на неименувани извори, дека меѓу Виткоф и Арагчи имало размена на пораки во последните денови, со фокус на можностите за прекин на конфликтот.

Тврдењата за евентуални дипломатски контакти доаѓаат во период на зголемени тензии на Блискиот Исток и неизвесност на нафтените пазари.