Американски следеа руски авиони до излез од критичната зона

Топ Вести - Слушај сега

Северноамериканската команда за воздухопловна одбрана (НОРАД) вчера соопшти дека открила и следела повеќе руски воени авиони кои дејствувале во Зоната за идентификација на воздушната одбрана на Алјаска (АДИЗ) во близина на Алјаска.

- Advertisement -

НОРАД открил и следел два руски авиона „Ту-95“, два „Су-35“ и еден „ А-50“  што дејствувале во Зоната за идентификација на воздушната одбрана на Алјаска, соопшти американската и канадската организација за одбрана.

НОРАД соопшти дека одговорил со лансирање на два авиона „Ф-16“, два „Ф-35“, еден „E-3“ и четири „KC-135“ за да го пресретнат, позитивно идентификуваат и следат авионот.

Руските воени авиони останале во меѓународниот воздушен простор и не влегле во суверениот воздушен простор на САД или Канада, соопшти НОРАД, додавајќи дека авионите биле следени сè додека не го напуштиле АДИЗ на Алјаска.