Променливо облачно време со сончеви периоди, а кон крајот на денот и повремени врнежи од дожд, најавуваат метеоролозите за недела, 22 ноември. Врнежите ќе бидат поизразени во западните делови од земјата, каде што ќе има дожд во вечерните часови и во текот на ноќта.
Ќе дува слаб до умерен ветер од јужен правец, кој попладне наместа повремено ќе се засилува.
Минималните утрински температури ќе се движат од минус еден степен во Берово до седум степени во Гевгелија, додека максималните дневни ќе бидат во интервалот од 10 до 18 степени. Најстудено ќе биде во Маврово, а најтопло во Гевгелија.
Во Скопје времето ќе биде променливо облачно со сончеви периоди. Ќе дува слаб до умерен ветер од јужен правец, а температурата ќе се движи од четири до 15 степени.
Во понеделник се очекува променливо облачно време со повремени локални врнежи од дожд. Попладне, поради продорот на постуден воздух од север, на планините дождот ќе преминува во снег.
Ќе дува засилен, а наместа повремено и силен ветер – претпладне од западен, а попладне од северен правец. Утринските температури ќе бидат од три до девет степени, а дневните од 13 до 19 степени.
Во вторник, според прогнозата на Управата за хидрометеоролошки работи, нè очекува сончево и постудено време, со мала до умерена облачност. Ќе дува слаб до умерен ветер од северен правец.
Минималните температури ќе се спуштат од минус четири до пет степени, а максималните ќе достигнат од шест до 13 степени.
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
© 2025 OhridSky. Сите права задржани.
Please login or subscribe to continue.
No account? Register | Lost password
✖✖
Are you sure you want to cancel your subscription? You will lose your Premium access and stored playlists.
✖
