ГФК Охрид Лихнидос под водство на Ромео Кочоски ја совлада Беласица со 2:1 пред преполните трибини на Биљанини Извори и ја обезбеди титулата есенски првак во Втората македонска фудбалска лига.
ОХРИД – Фудбалерите на ГФК Охрид Лихнидос, предводени од шефот на стручниот штаб Ромео Кочоски, денес на градскиот стадион „Биљанини Извори“, пред преполни трибини, остварија нова победа. Тие ја совладаа ФК Беласица со 2:1 и ја продолжија победничката серија.
Голови за домаќините постигнаа Шкор и Мирчески, додека единствениот погодок за ФК Беласица го дадe Стојанов. Охриѓани доминираа во текот на целите 90 минути и со поголемата желба и квалитет заслужено ги однесоа трите бода.
Со оваа победа ФК Охрид Лихнидос го обезбеди местото есенски првак во Втората македонска фудбалска лига. Екипата убедливо води на табелата, а зад Охрид се Пелистер и Работнички.
Преполните трибини на „Биљанини Извори“ уште еднаш покажаа дека Охрид живее за својот фудбал. Навивачите ги носеа играчите низ целиот натпревар и придонесоа за атмосферата на шампионска прослава.
Охрид Лихнидос ќе продолжи со подготовките за пролетниот дел од сезоната, со јасна цел , пласман во највисокиот ранг на македонскиот фудбал.
С.Д.
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
© 2025 OhridSky. Сите права задржани.
Please login or subscribe to continue.
No account? Register | Lost password
✖✖
Are you sure you want to cancel your subscription? You will lose your Premium access and stored playlists.
✖
