Background

Започна кампањата „Кажи не!“ за заштита на младите

Сексуалната злоупотреба на деца преку интернет и социјалните мрежи е во фокусот на новата меѓународна кампања „Кажи не!“, во која учествува и Министерството за внатрешни работи, во соработка со Европол и полициските служби од регионот. Целта е децата и младите да научат како да ги препознаат опасностите во дигиталниот простор, но и родителите да станат посвесни за ризиците на кои се изложени нивните деца.

Од МВР предупредуваат дека споделувањето фотографии и видеосодржини, комуникацијата со непознати лица и злоупотребата на стекнатата доверба можат да бидат искористени за сексуална злоупотреба и уцена на деца и млади.

„Сексуалната злоупотреба на деца во дигиталниот простор е сериозен облик на криминал, кој може да остави долгорочни последици врз жртвите. Затоа, преку кампањата „Кажи не!“ сакаме да ја подигнеме свеста за опасностите што ги носи несоодветната комуникација на интернет и споделувањето лични и интимни содржини“, посочуваат од Министерството за внатрешни работи.

- Advertisement -
Ad image

Кампањата е насочена кон децата, младите, родителите, но и пошироката јавност. Нејзината порака е дека заштитата не подразбира само внимателност при користењето на интернетот, туку и препознавање на манипулациите, притисоците и обидите за стекнување доверба со цел подоцнежна злоупотреба.

Особено е важно децата да знаат дека не мора да одговараат на непријатни пораки, да испраќаат фотографии или да прифаќаат барања од лица што ги запознале преку интернет. Доколку некој ги притиска, им се заканува или бара интимни содржини, треба да побараат помош од родител, наставник или друго возрасно лице во кое имаат доверба.

Од МВР нагласуваат дека заштитата на децата е заедничка одговорност и дека информираноста, внимателноста и навременото пријавување се клучни за спречување на злоупотребата.

„Кажи НЕ на злоупотребата. Кажи НЕ на споделувањето интимни содржини. Заштити се себеси и другите!“, порачуваат од Министерството.

ЗА НАС

ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.

© 2025 OhridSky. Сите права задржани.

Login to enjoy full advantages

Please login or subscribe to continue.

✖

Go Premium!

Enjoy the full advantage of the premium access.

✖

Stop following

Unfollow Cancel

✖

Cancel subscription

Are you sure you want to cancel your subscription? You will lose your Premium access and stored playlists.

Go back Confirm cancellation

✖