Background

ФЗО ОБЈАСНИ ЗОШТО ИМАЛО ЗАСТОЈ ВО ОСИГУРУВАЊЕТО ВО МВР

Фондот за здравствено осигурување (ФЗО) објасни дека застојот со здравственото осигурување во Министерството за внатрешни работи (МВР) е поврзан со дополнително пријавување вработени за претходен период, врз основа на судски одлуки.

Во тек се активности за надминување на состојбата, а веќе е формирана меѓуинституционална работна група која работи на трајно системско решение за да се спречат слични проблеми во иднина.

Од Фондот објаснуваат дека статусот на здравственото осигурување се утврдува преку автоматизиран систем, кој користи податоци за пријавите и уплатените придонеси. Информациите електронски се преземаат од Управата за јавни приходи (УЈП).

- Advertisement -
Ad image

„Не вршат рачно исклучување на осигурениците, ниту донесуваат поединечни одлуки за прекинување на нивното осигурување“, се наведува во соопштението на ФЗО.

Од институцијата посочуваат дека механизмот е воспоставен на системско ниво и важи подеднакво за сите работодавци.

„Станува збор за системски воспоставен механизам кој подеднакво се применува за сите правни субјекти, вклучително и за државните институции“, објаснуваат од Фондот.

Според ФЗО, со слична состојба во минатото се соочила и самата институција. Оттаму нагласуваат дека не станува збор за постапка насочена кон МВР или кон одредена категорија вработени.

На иницијатива на ФЗО веќе е формирана меѓуинституционална работна група, во која учествуваат претставници на надлежните институции.

Досега се одржани неколку работни состаноци, на кои се разгледуваат конкретни решенија за отстранување на причините што доведуваат до вакви состојби.

„Свесни сме дека ваквите состојби предизвикуваат оправдана загриженост кај вработените и нивните семејства“, посочуваат од ФЗО.

Целта на институцијата е да се надмине актуелниот проблем, но и да се воспостави механизам што ќе спречи повторување на слични ситуации.

„Затоа, нашата заложба е насочена не само кон решавање на моменталниот проблем, туку и кон воспоставување долгорочен механизам што ќе обезбеди поголема сигурност и континуитет во остварувањето на правата од здравственото осигурување“, наведуваат од Фондот.

ФЗО очекува интензивната соработка меѓу надлежните институции во најкраток можен рок да резултира со конкретно и одржливо решение.

„Очекуваме интензивната соработка меѓу надлежните институции во најкраток можен рок да резултира со конкретно и одржливо решение“, се наведува во соопштението.

ЗА НАС

ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.

© 2025 OhridSky. Сите права задржани.

Login to enjoy full advantages

Please login or subscribe to continue.

✖

Go Premium!

Enjoy the full advantage of the premium access.

✖

Stop following

Unfollow Cancel

✖

Cancel subscription

Are you sure you want to cancel your subscription? You will lose your Premium access and stored playlists.

Go back Confirm cancellation

✖