Background

Филмот на Волкашин во Талин се натпреварува за дебитантски остварувања

Дебитантскиот долгометражен игран филм „Сладоста на горчливите нешта“ (The Sweetness of Bitter Things) на македонскиот режисер и сценарист Андреј Волкашин ја имаше својата светска премиера на престижниот филмски фестивал од А-категорија, Tallinn Black Nights Film Festival (PÖFF) во Естонија.

Проекцијата се одржа синоќа, на 17 ноември, во салата 2 на киното „Аполо кино плаза“ во Талин. Филмот се натпреварува во официјалната селекција за дебитантски остварувања (First Feature Competition) во рамките на јубилејното 30. издание на фестивалот. По премиерното прикажување беше организирана и средба со публиката на која присуствуваа режисерот Волкашин, продуцентката Елена Станишева, како и дел од актерската екипа, меѓу кои Зорица Нушева, Лео Поповиќ и Јана Никодиновска.
Покрај синоќешната премиера, филмот има уште две фестивалски проекции во текот на денешниот ден.

Приказна за забранета љубов и внатрешна слобода

- Advertisement -
Ad image

Филмот е интимна женска драма за забранета љубов, инспирирана од роман што Волкашин го пишувал претходно. Дејството е сместено во рурална Македонија и ја следи Дора (Зорица Нушева), средовечна докторка чиј строго контролиран живот посветен на семејството почнува да се распаѓа. Кога во нејзиниот дом ќе биде донесена повредена мистериозна девојка (Лео Поповиќ), грижата за неа кај Дора буди одамна потиснати желби и прва љубов, што ја води низ длабок внатрешен конфликт меѓу сопствените инстинкти и нормите на патријархалното општество.

Во останатите улоги настапуваат и Ана Костовска, Гораст Цветковски и Александра Петковска. Снимањето се одвиваше на автентични локации во југоисточниот дел на Македонија, поточно во селото Петрово кај Гевгелија и во Демир Капија, каде природата игра значајна улога во визуелниот израз на филмот.

Меѓународна копродукција и креативен тим

„Сладоста на горчливите нешта“ е мнозинска македонска копродукција реализирана од продуцентската куќа Веда филм на Елена Станишева, во соработка со „Screening Emotions“ од Бугарија и „Studio Corvus“ од Хрватска. Проектот е финансиски поддржан од Агенцијата за филм на Северна Македонија со 19 милиони денари, како и од националните филмски фондови на Бугарија и Хрватска и европскиот фонд „Еуримаж“. Развојот на сценариото беше награден и во рамките на престижната програма „Torino Film Lab“ во Италија.

Директор на фотографија е Кирил Проданов, монтажер е Невелин Вулчев, музиката ја потпишуваат Ален и Ненад Синкауз, сценографијата е на Бојана Бучварова и Влатко Чачоровски, костимографијата на Илина Чолак, а дизајнот на звук на Марко Наумовски.

ЗА НАС

ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.

© 2025 OhridSky. Сите права задржани.

Login to enjoy full advantages

Please login or subscribe to continue.

✖

Go Premium!

Enjoy the full advantage of the premium access.

✖

Stop following

Unfollow Cancel

✖

Cancel subscription

Are you sure you want to cancel your subscription? You will lose your Premium access and stored playlists.

Go back Confirm cancellation

✖