Background

Рубио тврди дека нема координиран напад врз САД

Американскиот државен секретар Марко Рубио тврди дека нема никакви докази оти серијата неодамнешни технички прекини на важни услуги во САД се поврзани со кибернапади или со дејствување на злонамерен субјект.

Рубио се обиде да ги смири загрижените Американци за време на патувањето со претседателот Доналд Трамп од Манила кон кинескиот град Шенжен, каде што се очекуваат важни средби со кинескиот и рускиот лидер, Си Џинпинг и Владимир Путин.

– Немаме никакви докази, ниту причина да веруваме дека некој од овие изолирани и поединечни случаи има каква било поврзаност со злонамерни лица, хакери, криминалци, друга држава или каков било злонамерен субјект – изјави Рубио.

- Advertisement -
Ad image

Тој нагласи дека САД не се соочуваат со систематски напад.

Изјавата доаѓа во услови на зголемен притисок врз администрацијата на Трамп да објасни што ги предизвикало серијата прекини и технички дефекти низ земјата. Проблемите ги погодија системите на Мајкрософт, Чејс Банк, службите за контрола на воздушниот сообраќај и американската Агенција за национална безбедност.

Секој од инцидентите досега бил објаснет со внатрешни технички проблеми, а засегнатите компании и државни институции негирале дека биле цел на кибернапади.

Сепак, сомнежите не стивнуваат. Дури и дел од најверните поддржувачи на Трамп ја обвиниле неговата администрација дека крие информации од јавноста и не ја кажува вистинската причина за техничките проблеми.

По пристигнувањето во Азија, Трамп не покажа особена загриженост за случувањата, коментирајќи дека „такви работи се случуваат“.

Поранешната портпаролка на Белата куќа, Каролин Ливит, порача дека администрацијата мора да биде потранспарентна и да ѝ ги објасни на јавноста причините за прекините.

0 Би ѝ порачала на Белата куќа дека транспарентноста е од клучно значење – изјави Ливит за Фокс Њус. Таа смета дека по враќањето на Трамп од Кина, претседателот или друг претставник на администрацијата треба јавно да ја објасни ситуацијата за да се смират тензиите.

Ливит подоцна на својот профил на социјалната мрежа X сподели и видео со изјава на директорот на американското национално разузнавање, Џеј Клејтон.

Во интервју за Фокс, Клејтон рече дека разузнавачките служби внимателно ги разгледале инцидентите и заклучиле дека не станува збор за настан поврзан со сајбернапад.

Според неговото објаснување, проблемите биле предизвикани од безбедносни мерки што ги презеле некои организации за да ги подобрат своите системи. Нивното спроведување траело подолго од планираното и наишло на неочекувани тешкотии.

Но, ваквите објаснувања не ги убедиле сите.

Скептицизам изрази и Триша Меклафлин, поранешна помошник-секретарка за јавни прашања во Министерството за внатрешна безбедност.

– Американците не се глупави. Сакаме и заслужуваме да знаеме што навистина се случува – напиша таа на социјалните мрежи.

ЗА НАС

ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.

© 2025 OhridSky. Сите права задржани.

Login to enjoy full advantages

Please login or subscribe to continue.

✖

Go Premium!

Enjoy the full advantage of the premium access.

✖

Stop following

Unfollow Cancel

✖

Cancel subscription

Are you sure you want to cancel your subscription? You will lose your Premium access and stored playlists.

Go back Confirm cancellation

✖