Американскиот претседател Доналд Трамп самоиницијативно ја спомена можноста за средба со севернокорејскиот лидер Ким Џонг Ун во Кина, без новинарите да го прашаат за него. Дали Ким ќе пристигне во Шенжен, според Трамп, зависи од кинескиот претседател Си Џинпинг, кој е домаќин на самитот на Азиско-пацифичката економска соработка (АПЕК).
– Можеби ќе дојде, не знам. Тоа зависи од претседателот Си – изјави Трамп пред заминувањето од Белата куќа.
Американскиот претседател ја отвори темата додека зборуваше за својата азиска турнеја. Неговата изјава привлече внимание бидејќи минатата недела Белата куќа соопшти дека средба со Ким не е планирана.
Дополнителен сигнал пристигна од Москва, каде што Кремљ ја остави отворена можноста за средба меѓу рускиот претседател Владимир Путин и Ким.
Таков состанок би бил можен доколку севернокорејскиот лидер пристигне во Шенжен. Изјавата од Москва ги подгреа очекувањата за негова можна средба и со Трамп, пренесува Ројтерс.
Кинеското Министерство за надворешни работи, пак, не откри дали Ким добил покана за самитот.
Евентуалната средба би била нов обид за директен дијалог меѓу Вашингтон и Пјонгјанг, по три средби на двајцата лидери за време на првиот претседателски мандат на Трамп.
Односите меѓу Трамп и Ким поминаа низ драматични пресврти. Во 2017 година американскиот претседател ѝ се закануваше на Северна Кореја со „оган и бес“, во период на засилени тензии околу нејзината нуклеарна програма.
Но, неполна година подоцна, двајцата лидери започнаа директни разговори. Трамп дури јавно зборуваше за личната блискост што ја развиле преку меѓусебната преписка.
– Се вљубивме. Ми пишуваше прекрасни писма – им рече Трамп на своите приврзаници по првиот самит со Ким.
Нивната прва средба се одржа во Сингапур во јуни 2018 година. Тоа беше историски состанок, бидејќи првпат актуелен американски претседател седна на преговарачка маса со севернокорејски лидер.
Вториот самит, одржан во Ханој во февруари 2019 година, заврши предвреме и без договор. Двете страни не успеаја да ги усогласат барањата за нуклеарно разоружување и ублажување на меѓународните санкции.
Беа откажани заедничкиот ручек и планираната церемонија за потпишување изјава.
Неколку месеци подоцна, Трамп и Ким повторно се сретнаа во демилитаризираната зона кај Панмунџом.
Американскиот претседател тогаш накратко ја премина границата и стапна на севернокорејска територија.
Tagged as:
ТРАМП САМ ГО СПОМЕНА КИМ ПРЕД НОВИНАРИТЕ
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
© 2025 OhridSky. Сите права задржани.
Please login or subscribe to continue.
No account? Register | Lost password
✖✖
Are you sure you want to cancel your subscription? You will lose your Premium access and stored playlists.
✖
