(Видео) Запленети 17,5 милиони евра во кеш, дел од парите биле закопани во земја – истрага против екс министер во Унгарија

Унгарските власти објавија дека заплениле 17,5 милиони евра кои биле скриени во кеш од кои дел во земја. Парите се откриени за време на истрагата против поранешен министер кој ја извршувал функцијата во влада на екс премиерот Виктор Орбан.

Националната служба за поврат и заштита на имот соопшти дека истражителите пронашле „големи количини на готовина закопани во шуми, скриени во земјоделски објекти, складишта и станбени недвижнини, дел биле ставени во скапоцен сеф на скриена локација“.

Меѓу пронајдените пари имало повеќе од пет милијарди форинти, околу 2,6 милиони евра и околу 1,2 американски долари, што вкупно изнесува околу 17,5 милиони евра, пренесува Асошиејтед прес.

Кешот е откриен по доводневните потраги во Будимпешта и три унгарски региони.