Трамп и Нетанјаху се согласиле да запре помошта од 4 милијарди долари годишно

Американскиот претседател, Доналд Трамп, денеска изјави дека тој и израелскиот премиер Бенјамин Нетанјаху постигнале договор според кој Вашингтон повеќе нема да обезбедува финансиски средства за Израел по завршувањето на оваа година.

– Кога станува збор за плаќање на Израел, Биби Нетанјаху и јас постигнавме договор да му даваме на Израел четири милијарди долари годишно, а пред неколку месеци се согласивме да го запреме тоа – изјави Трамп за Фокс њуз.

Трамп изјави дека веќе е договорено САД да престанат да го финансираат Израел до крајот на оваа година.

- Advertisement -

– Сега ќе му помогнеме на Израел ако му е потребна помош – додаде Трамп.

Од 1946 година, САД му дале на Израел вкупно околу 175 милијарди долари помош, од кои поголемиот дел бил наменет за воена поддршка.

Според актуелниот 10-годишен договор за периодот од 2019 до 2028 година, САД му даваат на Израел 3,8 милијарди долари годишно, вклучувајќи 3,3 милијарди долари воена помош и 500 милиони долари за ракетна одбрана.