ПОЛИЦИЈАТА ЗАТЕКНА ПИЈАНИ МАЛОЛЕТНИЦИ ВО КАФУЛЕ ВО КАРПОШ

Едно лице во алкохолизирана состојба било пренесено на Токсикологија по контрола во угостителски објект во Карпош поради сознанија за точење алкохол на малолетници.

Ноќеска (01.11.2026), полициски службеници од Секторот за внатрешни работи Скопје, ЕВР – ОКР Карпош, постапувајќи по претходно добиени сознанија за точење алкохолни пијалаци на малолетни лица во угостителски објект на подрачјето на општина Карпош, извршиле контрола во објектот, при што затекнале малолетни лица во видно алкохолизирана состојба.

Во Полициската станица Карпош биле приведени осум лица. При извршеното алкотестирање кај сите осум лица било утврдено присуство на алкохол во организмот.

- Advertisement -

Едно лице кое било присутно во угостителскиот било пренесено на Клиниката за токсикологија при Комплексот клиники „Мајка Тереза“ за укажување лекарска помош.

По целосно документирање на случајот, ќе биде поднесен соодветен поднесок по член 204 од Кривичниот законик – „Точење алкохолни пијалаци на малолетници“.