Невреме во Велика Британија однесе човечки животи

Во неделата, невремето „Болео“ однесе најмалку два човечки живота во Велика Британија, а најмалку две други лица се повредени.

Околу 90.000 домаќинства сè уште се без електрична енергија, пренесува германската новинска агенција ДПА. Двајца мажи загинаа во неделата откако врз нив паднале дрвја. Според Би-Би-Си (BBC), еден смртен случај е забележан во Северен Лондон, додека другиот маж го загубил животот во Шкотска.Обединетото Кралство и денес се соочува со обилни врнежи и силни ветрови, кои во одредени области ги отежнуваат напорите за расчистување и за поправка на електричната мрежа. Неколку училишта во Шкотска денес остануваат затворени. Меѓу другото, невремето предизвика поплави и прекини во сообраќајот.

Неодамна и невремето „Арвен“ предизвика пустош
„Болео“ е втората бура што го погоди Обединетото Кралство во последните денови, по пустошот што го остави невремето „Арвен“. Вкупно, поради овие две бури, повеќе од 800.000 домаќинства останаа без електрична енергија.