Експлозија во рудник во северна Турција; двајца загинати и петмина повредени

Најмалку двајца работници загинаа, а петмина се повредени во експлозија во рудник во северна Турција, соопштија официјални лица. Спасувачките екипи се обидуваат да стигнат до уште еден работник кој останал заробен во рудникот.

Причината за експлозијата во провинцијата Зонгулдак, на брегот на Црното Море, сè уште не е позната.

Гувернерот на провинцијата изјави за новинарите дека двајца од повредените рудари се во тешка состојба, а еден од нив е префрлен во главниот град Анкара на лекување.

- Advertisement -

Рударските несреќи не се реткост во Турција. Во една од најтешките рударски катастрофи во земјата – пожар во рудник за јаглен во градот Сома во 2014 година – животот го загубија 301 лице.