Австрија протерува уште четворица руски дипломати осомничени за шпионажа

Австрија протера четворица руски дипломати осомничени за шпионажа. Австриското Министерство за надворешни работи утрово соопшти дека протерува уште четворица руски дипломати поради „активности што не се во согласност со нивниот дипломатски статус“ – евфемизам што обично упатува на сомнеж за шпионажа.

Тројца од нив биле распоредени во руската амбасада, додека еден работел во Организацијата за безбедност и соработка во Европа (ОБСЕ) во областа на контрола на вооружувањето, пренесува „Ди пресе“ (Die Presse).

Секретаријатот на ОБСЕ, чија членка е и Русија, има седиште во Виена.

- Advertisement -

Според британскиот весник „Гардијан“ (The Guardian), овие дипломати подолго време биле под надзор на австриските безбедносни служби.

Пред неколку месеци, Австрија протера тројца вработени во руската амбасада поради обвинувања за шпионажа, откако во просториите на амбасадата беше откриена „шума од антени“.

Од 2020 година, Австрија има протерано вкупно 18 руски дипломати.