Вирус што претходно ги зафаќаше само животните, за првпат зарази човек; пациентот почина

Француските здравствени власти го забележаа првиот случај на инфекција кај човек со вирусот „Шамонда“, што резултираше со смрт на пациентот; сепак, тие нагласуваат дека во моментов нема ризик за пошироката јавност.

Вирусот „Шамонда“, кој се пренесува преку каснувања од ситни мушички, досега ги зафаќаше главно животните – особено добитокот. Првпат е откриен во Нигерија во средината на 1960-тите години, а оттогаш спорадично е детектиран кај животни низ Африка и Јапонија. Оваа година, тој се прошири и во неколку европски земји.

Француските власти наведуваат дека главната претпоставка е оти пациентот се заразил со вирусот во источниот дел на земјата, каде што тој циркулирал меѓу животните во текот на пролетта и летото 2026 година, пренесува Ројтерс.

- Advertisement -

Досега се сметаше дека вирусот не може да се пренесе на луѓето, истакнаа од француската влада.