Путин го прифати предлогот за реконструкција на владата

Рускиот претседател Владимир Путин ја одобри реконструкцијата на владата предложена од премиерот Михаил Мишустин, објавија во понеделникот руските државни новински агенции, повикувајќи се на Кремљ.

„Покрај дискусијата за социјалните и економските прашања, премиерот му предложи на претседателот серија кадровски промени во владата. Владимир Путин ги одобри“, изјави портпаролот на Кремљ, Дмитриј Песков, цитиран од руските новински агенции.

Реконструкцијата на владата доаѓа по парламентарните избори во септември, кои резултираа со нов состав на долниот дом на рускиот парламент – Државната дума.

- Advertisement -

Овие промени се случуваат во момент кога Русија бара нови извори за економски раст, истовремено соочувајќи се со растечки буџетски дефицит, повисоки даноци и релативно високи каматни стапки.

Имињата на новите министри сè уште не се објавени, а тие ќе бидат предложени до парламентот за одобрување, соопштија од Кремљ, без да наведат дополнителни детали.