По една година врска, актерката се појави со дијамантски прстен кој ги разгоре шпекулациите

Британската актерка и американскиот кантри-музичар наводно се подготвуваат за свадба, откако нивната љубовна врска, која изненади многумина, прерасна во сериозна романса. Дека Елизабет Харли (61) и Били Реј Сајрус (65), таткото на поп-ѕвездата Мајли Сајрус, се свршиле по нешто повеќе од една година врска, објави американскиот „Page Six“, повикувајќи се на извори блиски до двојката. Веста ја пренесоа и други странски медиуми, но актерката и музичарот засега не ја потврдиле официјално свршувачката.

Сомнежите почнаа на 12 октомври, кога Харли објави фотографии од снимањето на втората сезона на серијата „The ’Burbs“. На фотографиите на кои таа позира, на нејзината лева рака се забележува голем дијамантски прстен. Една од фотографиите особено го привлече вниманието на следбениците, бидејќи актерката го покажа накитот во полн сјај.

- Advertisement -

Три дена подоцна, Сајрус дополнително ги поттикна шпекулациите со објава на Инстаграм, во која стави емотикон со дијамантски прстен и напиша:

– Има некаков прстен во тоа. Објавата првично се однесуваше на неговите музички активности, но формулацијата веднаш беше протолкувана како навестување за свршувачката. Синот на Харли, 24-годишниот Демијан, реагираше со емотикон за прославување, што дополнително ги засили претпоставките дека во семејството има причина за радост.

Се запознале на снимање, а љубовта дошла подоцна

Харли и Сајрус се запознале во 2022 година, додека заедно работеле на празничниот филм „Christmas in Paradise“, сниман на карипскиот остров Невис. Тогаш биле пријатели, а романтичната врска ја започнале подоцна. Во април 2025 година јавно ја потврдија љубовта со заедничка фотографија на која музичарот ја бакнува актерката во образ. Еден месец подоцна за првпат се појавија заедно на црвениот тепих, на настан во Рим.

Во интервјуата Харли зборува за тоа колку добро се разбираат, иако нивната врска на почетокот им изгледала неочекувана на многумина. Во разговор за подкастот „SheerLuxe“ таа се пошегувала дека имаат многу повеќе заеднички работи отколку што луѓето би претпоставиле, па дури и дека имаат речиси идентична коса.

– Всушност сме како близнаци – вели актерката, додавајќи дека единствената очигледна разлика е неговата брада.

И двајцата зад себе имаат бурни љубовни приказни

За Сајрус ова би бил четврти брак. Пред да започне врска со Харли, тој беше во брак со Синди Смит од 1986 до 1991 година, а потоа со Тиш Сајрус, со која помина речиси три децении. Нивниот развод беше финализиран во 2023 година. Истата година се ожени со пејачката Фајрроуз, но бракот заврши со развод во 2024 година, по само неколку месеци. Музичарот има шест деца, меѓу кои и светски познатата пејачка Мајли Сајрус.

Харли, пак, беше во брак со индискиот бизнисмен Арун Најар од 2007 до 2011 година. Претходно имаше долгогодишна врска со актерот Хју Грант, која траеше од 1987 до 2000 година. Таа го има синот Демијан од врската со американскиот филмски продуцент Стив Бинг, кој почина во 2020 година. Актерката беше свршена и со австралискиот крикет играч Шејн Ворн, со кого беше во врска од 2011 до 2013 година, но никогаш не стапија во брак.

Доколку информациите за свршувачката се потврдат, за Харли и Сајрус ова ќе биде ново поглавје по љубовните разочарувања и турбулентните разделби. Засега, прстенот и нивните објави на социјалните мрежи зборуваат повеќе од официјалните изјави, кои јавноста сè уште ги очекува.