Руте не гледа директна закана од Москва

Генералниот секретар на НАТО, Марк Руте, денеска изјави дека Алијансата не гледа непосредна закана за својата територија и дека нема докази дека Русија има намера да нападне која било членка на воениот сојуз.

За време на неговата посета на Талин, Руте ја пофали Естонија за издвојувањето на 5 проценти од бруто домашниот производ за одбраната и за поддршката на Украина, нагласувајќи дека земјата поставува стандарди за другите членки на НАТО.

Тој додаде дека руските хибридни напади нема да ги заплашат сојузниците.

- Advertisement -

Естонската премиерка Кристен Михал изјави дека членството на Украина во НАТО ќе претставува најсилна безбедносна гаранција за Естонија на долг рок.

Пристапувањето на Украина во НАТО во моментов не е на дневен ред, поради противењето на одредени членки, вклучувајќи ги и САД.