НАПАДНАТА И ОГРАБЕНА ЖЕНА ВО СТАН ВО АЕРОДРОМ

Жена на 50-годишна возраст била нападната во сопствениот стан во скопската општина Аеродром, откако затекнала непознато лице во домот. Напаѓачот ја удрил со тврд предмет, а потоа побегнал со пари.

Според пријавеното, инцидентот се случил на 13 октомври, околу 16 часот. Кога Л.П. се вратила во својот стан, забележала дека влезната врата била насилно отворена и оштетена. Не можела веднаш да влезе бидејќи однатре била блокирана со столица.

Откако успеала да ја тргне столицата и да влезе во станот, затекнала едно лице, кое ја нападнало со тврд предмет и побегнало.

- Advertisement -

По нападот, жената забележала дека од станот недостигаат пари.

Полицијата презема мерки за откривање на сторителот и расчистување на случајот.