Заменик министерот за здравство Јовица Андовски поднесе оставка од лични причини

Заменик министерот за здравство Јовица Андовски поднесе оставка од лични причини. Оставката ја доставил до премиерот Христијан Мицкоски на 9 октомври, а таа денеска е депонирана во Собранието.

„Ви изразувам искрена благодарност за укажаната доверба, досегашната поддршка и соработката во текот на извршувањето на мојата функција. За мене беше чест и одговорност да бидам дел од Владата и да придонесувам кон унапредувањето на здравствениот систем. На претседателот на Владата и на сите членови на Владата им посакувам успех во понатамошната работа и во остварувањето на заложбите за подобро здравство и поквалитетен живот на граѓаните“, пишува во оставката на Андовски.

Тој беше заменик од почетокот на мандатот на Владата на Мицкоски во време кога сме сменија тројца министри – Арбен Таравари, Азир Алиу и Сашо Клековски.