Предизборниот спот на доскорешниот српски претседател Александар Вучиќ привлече внимание поради големата сличност со реклама на израелскиот премиер Бенјамин Нетанјаху од 2015 година

Предизборниот спот на доскорешниот српски претседател Александар Вучиќ привлече внимание поради големата сличност со реклама на израелскиот премиер Бенјамин Нетанјаху од 2015 година. Двете видеа користат речиси идентично сценарио, во кое политичарот ненадејно се појавува на врата кај семејство.

Вучиќ го објавил својот спот на 10 октомври, во рамките на кампањата на листата „Александар Вучиќ – Единствена Србија“.

Во видеото тој доаѓа кај брачен пар што се подготвува за патување и останува да му прави друштво на постар маж.

- Advertisement -

– Баравте некого на кого можете да се потпрете – порачува Вучиќ.

Слична идеја користел Нетанјаху во кампањата на партијата Ликуд пред парламентарните избори во Израел во 2015 година.

Во неговиот спот, млад пар се подготвува за вечерно излегување, а на вратата наместо очекуваната дадилка се појавува Нетанјаху.

– Побаравте дадилка? Добивте Биби-дадилка – вели израелскиот премиер, користејќи го својот прекар.

Спотот на Нетанјаху освоил награда за политичко рекламирање во 2015 година.

Србија се подготвува за вонредните парламентарни избори закажани за 25 октомври.