ЕУ дополнително ги проширува санкциите против Русија, опфаќајќи стотици нови поединци и компании

Министрите за надворешни работи на ЕУ во понеделникот во Луксембург ги потврдија санкциите против 1.600 поединци и правни лица кои ја поддржуваат руската агресија врз Украина, соопшти високата претставничка за надворешни работи и безбедносна политика, Каја Калас.

„Ова е најголемото проширување на списокот со санкции досега, откако Русија ја започна војната“, објави Каја Калас на платформата „Икс“ (X).

На списокот со санкции беа додадени 743 поединци и 826 правни лица поврзани со рускиот воено-индустриски комплекс.

- Advertisement -

„Значително го отежнуваме и поскапуваме производството на оружје со кое Русија убива Украинци и го забавуваме тој процес“, додаде високата претставничка.

За санкционираните лица и субјекти важат мерки за замрзнување на имотот и забрана за патување, односно влез во ЕУ.

Со оваа одлука, вкупниот број на санкционирани поединци и правни лица достигна речиси 4.600.

Европската Унија одлучи да ги засили санкциите откако Соединетите Држави објавија дека ги укинуваат санкциите за увоз на дизел од Русија – потег што наиде на широки критики од оваа страна на Атлантикот.