Едно лице загина, а две се повредени во нов напад со нож во училиште во Полска

Едно лице загина, а две други се повредени во напад со нож во основно училиште северно од Варшава, соопшти денеска полицијата, додавајќи дека нападот го извршил 15-годишен поранешен ученик.

Во средата, 19-годишен напаѓач рани девет лица со нож во средно училиште во Полска. Според полската новинска агенција ПАП (PAP), денешниот напад се случил во малото место Лешчидол-Новини (Leszczydol-Nowiny), на околу 70 километри северозападно од Варшава.

Како што објави регионалната полиција на платформата „Икс“ (X), 15-годишникот избодел три лица во своето поранешно училиште. 37-годишна вработена во техничката служба (домаќинка) им подлегнала на повредите, а ранети се уште две возрасни лица, пренесува француската новинска агенција АФП (AFP).

- Advertisement -

Во средата се случи напад со нож во стручно училиште во Остроленка, град лоциран на 20 километри северно од главниот град Варшава. Таму, 19-годишен ученик, кој беше уапсен од полицијата, рани девет лица.