АВСТРИЕЦ СО ОРУЖЈЕ САКАЛ ДА ВЛЕЗЕ ВО МАКЕДОНИЈА

Шеесет и двегодишен државјанин на Австрија бил приведен вчера на граничниот премин Табановце, откако полицијата при контрола на неговото возило пронашла оружје и муниција.

П.Р. бил запрен околу 18 часот при влез во Македонија. При претрес на кампер „Фиат“ со приколка, со австриски регистарски ознаки, кој го управувал, полицајците пронашле и одзеле гасен пиштол, револвер, пакување со 90 дијаболи и пакување со 22 иницијативни каписли.

За случајот е известен јавен обвинител, а 62-годишниот Австриец бил предаден на полициски службеници од СВР Куманово.

- Advertisement -

По целосното документирање на случајот, против него ќе биде поднесена соодветна пријава, соопшти МВР.