Стопанската комора денеска ќе ги презентира своите предлози за измени на Законот за празниците, во насока на оптимизирање на бројот на неработни денови и зголемување на продуктивноста и економската ефикасност

Стопанската комора денеска ќе ги презентира своите предлози за измени на Законот за празниците, во насока на оптимизирање на бројот на неработни денови и зголемување на продуктивноста и економската ефикасност.

На прес-конференција на тема „Празниците во Македонија и нивното влијание врз економијата“, Комората ќе ја претстави анализата на постојниот систем на празници во државата, како и споредба на бројот на неработни денови по основ на државни празници во земјава и во други европски земји во текот на 2026 година.

Стопанската комора смета дека големиот број на неработни денови во државата создаваат проблеми за работодавачите.

- Advertisement -

Според Комората, бројните неработни денови создаваат сериозни проблеми во работењето на компаниите и ја намалуваат продуктивноста.

Стопанската комора и претходно бараше преиспитување на бројот на неработни денови, оценувајќи дека нивниот голем број создава проблеми за работењето на компаниите. Во 2022 година Комората поднесе и иницијатива до Уставниот суд за „недела-неработен ден“, со која се бараше на работодавачите да им се овозможи да бараат од вработените да работат и во недела, но Судот ја отфрли иницијативата и недела остана неработен ден.