Линдзи од полицијата дознала дека децата ѝ се мртви?

Случајот со Линдзи Кленси, кој ја потресе Америка со убиството на нејзините 3 мали деца, доби нов пресврт откако одбраната побара целосно отфрлање на обвинението. Претходно, по нејзиното признавање вина, 11 поротници беа спремни да ја пуштата Линдзи поради непресметливост, но еден не попушти.

Сега, адвокатот Кевин Редингтон тврди дека Кленси нема сеќавање на трагедијата и дека дури во болница од полицијата дознала што се случило, парализирана по обидот за самоубиство, пишуваат американските медиуми.

Адвокатот остро ја критикуваше полициската истрага како површна, посочувајќи конкретни форензички пропусти во куќата, вклучувајќи го и прозорецот од кој Кленси скокна:

- Advertisement -

– Немаше никаква реална истрага. Тие не ја ни проверија мрежата на прозорецот од кој таа скокна, ниту пак прашокот во чашата за кој тврдат дека бил за здробени лекови. Тие едноставно веднаш претпоставија дека оваа жена е виновна. Не е ова никаква нуклеарна физика – јас едноставно тврдам кое е законското право, дека обвинителството нема докази надвор од разумно сомневање.

Според одбраната, менталната состојба на Кленси во тие моменти била целосно деструктурирана од силен коктел на лекови.

Адвокатот Кевин Редингтон сега ја напаѓа самата доказна основа на обвинението, а не само прашањето за нејзината пресметливост. Според него, тешката постпородилна психоза и лековите ја оставиле Кленси без когнитивно сеќавање за критичните моменти.

– Каде се доказите дека таа го направила ова? Целиот овој случај се заснова на шпекулации. Каде е признанието? Каде кажа таа дека го направила ова?

Редингтон тврди дека истражителите прерано заклучиле дека Кленси е виновна и дека обвинителството нема докази надвор од разумно сомневање.

Има ДНК и признание, сопругот ги нашол телата?

Обвинителката Шенан Бакингем го отфрли тврдењето дека нема докази како смешно. Обвинителството посочува дека ДНК на Кленси била пронајдена на ластиците со кои биле задавени децата и дека таа подоцна признала што сторила пред болнички свештеник.

Побарано е и ограничување на јавните изјави на адвокатите, со образложение дека медиумското настапување може да ја претвори постапката во спектакл.

Трагедијата, според тврдењата на обвинителството, се случила на 24 јануари 2023 година, кога Линдзи Кленси наводно ги одвела децата во подрумот од семејниот дом во Даксбери додека нејзиниот сопруг бил излезен да подигне храна и лекови.

Обвинителите тврдат дека таа искористила прозорец од околу 25 минути за со ластици за вежбање да ги задави 5-годишната Кора, 3-годишниот Досон и 8-месечниот Калан. Веднаш по чинот, Линдзи си нанела повреди со сечење и скокнала од прозорецот на вториот кат во обид да си го одземе животот, при што се здобила со трајна парализа, а телата на децата подоцна ги пронашол нејзиниот сопруг по враќањето дома.

Еден поротник го смени текот на судењето

Новиот потег на одбраната доаѓа по претходното судење, кое заврши без пресуда. Според поднесоците на Редингтон, 11 од 12 поротници биле подготвени да ја прогласат Кленси за некривично одговорна поради нејзината ментална состојба. Тоа е во согласност и со претходните извештаи за распуштената порота.

Во претходниот процес спорот не бил дали Кленси ги убила децата, туку дали во моментот на убиствата можела да разликува добро од зло. По речиси 40 часа расправи во текот на 7 дена, поротата не успеала да донесе едногласна одлука.

Единаесет поротници биле подготвени за пресуда дека не е виновна поради непресметливост, додека еден останал на спротивниот став. Судот на 4 септември прогласил неважечко судење, а одбраната веднаш најавила дека ќе се обиде да спречи нов процес

Следното големо прашање е дали судијата ќе го прифати барањето на одбраната за отфрлање на случајот или обвинителството повторно ќе ја изведе Кленси пред поротата.