ПОЗНАТ Е НАПАЃАЧОТ ВО TУРЦИЈА, СЕ СТЕПАЛ ЗА ДЕВОЈКА Се проверува дали тепачката е поврзана со пукањето

Петнаесетгодишниот Х. О. е осомничен дека отворил оган во близина на училиштето „Инџи Узмез“ во Маниса во Турција. Во нападот беа ранети најмалку 11 ученици, од кои двајца се во критична состојба.

Само еден ден претходно, според турските медиуми, осомничениот се степал пред училиштето поради наводен „проблем поврзан со девојка“, а полицијата сега истражува дали тој конфликт е поврзан со пукањето.

Ова се новите детали за нападот за кој првичните информации говореа за најмалку четворица повредени.

- Advertisement -

Х. О. е ученик во училиштето каде што се случил нападот. Пукано било кратко пред 8 часот, кога во близина веќе имало ученици.

Според турските медиуми, безбедносните камери го снимиле 15-годишникот како се движи по улиците во близина со огнено оружје. На снимките наводно се гледа и моментот кога го подготвува оружјето за пукање.

Мотивот за нападот сè уште не е утврден. По нападот осомничениот побегнал, но полицијата набрзо го лоцирала и го привела.

Турските медиуми објавуваат дека биле приведени и неговите родители и дедото.

Бројот на повредени, во меѓувреме, порасна од првично пријавените четворица на најмалку 11 ученици.

Двајца од нив се во критична состојба.