Реакција на Франција по заканите на Трамп

САД немаат право на вето врз геополитичките одлуки на ЕУ, изјави францускиот министер за европски прашања Бенжамен Адад.

Тој го изјави ова откако американскиот претседател Доналд Трамп се закани дека ќе ги зголеми царините за стоките од ЕУ поради одлуката на блокот да ја покани Канада да стане нивна прва придружна членка.

– Ниту САД, ниту кој било друг, нема да ја одреди политичката и геополитичката насока на Европејците. Повторно повторувам – имаме односи со Канада и имаме намера да ги продлабочиме – рече Хадад во интервју за телевизискиот канал „Паблик Сенат“.

- Advertisement -

Претседателката на Европската комисија, Урсула фон дер Лајен, вчера во годишното обраќање пред Европскиот парламент рече дека Канада треба да стане првата „придружна членка“ на ЕУ. На обраќањето присуствуваше канадскиот премиер Марк Карни.

Трамп рече дека таквата идеја може да се смета за „непријателски чин“ и се закани дека ќе воведе царини на Европската Унија како одговор.

– Ако намерите се добри, во ред. Ако се лоши, ќе воведеме многу високи царини на Европа – рече Трамп.

Тој додаде дека САД би можеле да ја суспендираат трговијата со Европа во одредени области.

Трамп ја нарече можноста Канада да се приклучи на ЕУ „смешна“ и потврди дека Канада е „ужасен трговски партнер“.