Еди Рама реагира на пресудата против лидерите на ОВК: Срамота

Откако беше изречена пресудата со која поранешните лидери на таканаречената Ослободителна војска на Косово (ОВК) беа осудени на повеќегодишни затворски казни, албанскиот премиер Еди Рама на социјалните мрежи објави само еден збор: „Срам“.

На својата официјална страница на Фејсбук, Рама објави слика од карта на Европа обвиткана со бодликава жица, преку која со големи црвени букви беше испишан зборот „MARRE“ (што на албански значи „срам“).

Албанскиот премиер експлицитно не наведе дека неговата реакција се однесува на првостепената пресуда на Специјализираните совети на Косово, ниту пак го образложи својот став; сепак, со оглед на моментот на објавувањето и реакциите на неговите следбеници, јасно е дека тој изразува незадоволство од повеќегодишните затворски казни изречени за поранешните лидери на ОВК.

- Advertisement -

АП за пресудата за Тачи: Тој стоеше молчеливи додека се читаше пресудата; како го добил прекарот „Змијата“ и каква е атмосферата во Приштина.

Специјализираните совети на Косово во Хаг денеска изрекоа првостепена пресуда за воени злосторства против поранешниот лидер на ОВК, Хашим Тачи, и неговите најблиски соработници – Кадри Весели, Реџеп Селими и Јакуп Красниќи. Тачи и Красниќи беа осудени на по 25 години затвор, Весели на 18 години, а Селими на 13 години. Времето поминато во притвор се засметува во овие казни.