Аран Марфи го украде вниманието на црвениот тепих, веднаш е јасно кој му е татко

Аран Марфи, 19-годишниот син на оскаровецот Килијан Марфи, моментално го привлекува вниманието не само поради својата актерска кариера туку и поради неверојатната сличност со својот татко.

Младиот актер се појави на црвениот тепих во Лондон на промоцијата на новата серија „Youth“ на Ејч-Би-О, во која има една од позначајните улоги. Фотографиите и снимките од настанот за кратко време се проширија на социјалните мрежи, а коментарите главно се однесуваат на едно – Аран изгледа како помлада верзија на својот познат татко.

Но, оние што го слушнале во интервјуто велат дека сличноста не завршува со физичкиот изглед. Во кратките видеа од црвениот тепих, корисниците забележуваат дека имаат сличен глас, изрази на лицето и манири, па некои се шегуваат и дека станува збор за „копи-пејст“ верзија на ѕвездата од „Peaky Blinders“ и „Oppenheimer“.

- Advertisement -

Во „Youth“, Аран го игра Руири, проблематичниот тинејџер, син на ликот што го толкува Шерон Хорган. Серијата ја следи Алекс, 50-годишна жена која по разводот се обидува повторно да го среди својот живот, додека истовремено се грижи за своите родители и за својот син. Преку ликот на Руири, серијата се занимава и со притисоците и неизвесноста со кои се соочуваат младите мажи денес.

Интересно е што Аран не е само син на познат актер кој случајно добил една улога. Тој веќе има неколку проекти зад себе, а по завршувањето на средното образование зел една година пауза за да се посвети на актерството. Во периодот што следува ќе се појави во уште два големи проекти – серијата „War“, со Доминик Вест и Сиена Милер, и филмот „Klara and the Sun“ на Таика Ваитити, во кој ја има својата прва главна филмска улога.

Аран пораснал во Даблин, откако неговото семејство се преселило таму кога имал седум години. Килијан Марфи и неговата сопруга, уметницата Ивон Мекгинис, имаат два сина – Аран и постариот Малаки. Килијан во минатото зборувал за желбата неговите деца да имаат што понормално детство, подалеку од холивудското внимание.

Сепак, изгледа дека семејството сега добива уште еден член на филмската и телевизиската сцена. Аран вели дека отсекогаш го привлекувала уметноста, а за својот пристап кон актерството вели дека емпатијата и способноста да ги слуша и разбира другите му се особено важни. Шерон Хорган, пак, го опишува како исклучително талентиран актер кој многу реално ја доловува енергијата на 18-годишник.

„Youth“ ќе биде првиот од трите проекти на Аран што ќе стигнат до публиката во краток период. Серијата почнува да се емитува на 20 септември, „War“ пристигнува на 2 октомври, а „Klara and the Sun“ е најавен за кино-прикажување подоцна во октомври.