Франција подготви нов нацрт-закон за забрана на социјалните мрежи за лица под 15 години

Француската влада подготви нов нацрт-закон за забрана на социјалните мрежи за лица под 15 години, кој ќе го достави до Европската комисија денес, јавуваат француските медиуми.

„По темелна техничка работа, владата денес поднесува нови писмени поднесоци до Европската комисија, еден месец по одлуката на Советот“, напиша францускиот претседател Емануел Макрон на мрежата X утрово.

Ќе истраеме во ова до крај, рече Макрон.

- Advertisement -

„По одлуката на Уставниот совет од средината на август за забрана на користењето на социјалните мрежи за лица под 15 години, го задолжив премиерот да најде решение кое е во согласност со забелешките на Советот и со европското право. Тоа сега е направено“, вели францускиот претседател.

Макрон се надева дека забраната за социјални медиуми за лица под 15 години во Франција ќе стапи на сила пред тој да ја напушти Елисејската палата во 2027 година.

Во јули, францускиот парламент донесе закон со кој се забрануваат социјалните мрежи за лица под 15 години. Сепак, Уставниот совет, највисокото уставно тело во Франција, поништи дел од законот.

Уставниот совет, меѓу другото, изјави дека текстот усвоен од францускиот парламент претставува непропорционално нарушување на слободата на изразување и комуникација на адолесцентите.