Тешка сообраќајна несреќа во која тешко се повредени три деца се случи синоќа во Доња Копривна, на главниот пат Доња Копривна-Коњодор во близина на Цазин, Босна и Херцеговина

Тешка сообраќајна несреќа во која тешко се повредени три деца се случи синоќа во Доња Копривна, на главниот пат Доња Копривна-Коњодор во близина на Цазин, Босна и Херцеговина.

Автомобил излета од патот, влета во дворот на семејната куќа и удри во три деца кои во тој момент си играле во дворот.

Возачот Фахрет Хорозовиќ е уапсен синоќа, пишуваат босанските медиуми.

- Advertisement -

Повредените деца се пренесени во Кантонската болница „Д-р Ирфан Љубијанкиќ“ во Бихаќ.

Неофицијално, непосредно пред несреќата, два автомобили се тркале по патот, при што возачот на едното од возилата ја изгубил контролата, излетал од патот и завршил во дворот.

Точните околности под кои се случила несреќата, како и наводите за можна тркачка брзина на возилото и пијанство на возачот, треба да ги утврди полициската истрага.