Полициски службеник од Пенсилванија е обвинет за убиство од прв степен, но без предумисла, откако убил невооружен студент кој затропал на вратата од погрешна куќа

Полициски службеник од Пенсилванија е обвинет за убиство од прв степен, но без предумисла, откако убил невооружен студент кој затропал на вратата од погрешна куќа.

Снимката од боди-камера го покажува полицаецот Шон Фарел од Апер Потсгроув како пука во 22-годишниот Ерл Пајшер, додека тој одел кон него со рацете кренати како што му наредил полицаецот, соопштија обвинителите.

58-годишниот полицаец Фарел пристигнал на местото на настанот во раните утрински часови на 23 август откако студентот Пајшер, барајќи пријатели, затропал на погрешна врата, што го натерало сопственикот на куќата да повика полиција.

- Advertisement -

– Ова не беше законска употреба на смртоносна сила – рече обвинителот на округот Монтгомери, Кевин Стил, на прес-конференција изјави.

Истрагата откри дека Пајшер бил во неколку барови претходно таа вечер за да го прослави 21-виот роденден на пријател. Подоцна се упатил кон куќата на својот пријател, за да продолжи да пие таму, но завршил на погрешна адреса. Пајшер се обидел да ја отвори вратата, а потоа седнал на задната веранда за да разговара со своите пријатели.

Сопственикот на куќата се јавил на 911, а Фарел пристигнал додека Пајшер бил на задната веранда, според кривичната пријава. Според истражителите Фарел извикал: „Полиција, покажете ми ги рацете. Рацете горе, кренете ги сега, паднете на земја“

Снимките од полициската камера го покажуваат Пајшер како ги крева рацете во воздух и оди кон Фарел додека полицаецот повторно вика: „Спушти се на земјата. Застани или ќе…“ и испукува два куршума, погодувајќи го Пајшер двапати во градите.

Официјалните лица наведуваат дека Пајшер бил на околу 20 метри од Фарел кога отворил оган.

– Истрагата утврди дека Фарел имал несмртоносни уреди за сила на појасот, вклучувајќи и електрошокер, но не ги употребил – изјави окружниот обвинител.

Според кривичната пријава, снимката од камерата на телото подоцна го покажува Фарел како му кажува на друг полицаец: „Човекот ме напаѓаше, викаше и не сакаше да се симне“.

Обвинителите рекоа дека таа верзија на настаните не се совпаѓа со снимката.

Фарел ѝ се предаде на полицијата во вторникот. Неговата кауција е одредена на 75.000 долари, а неговиот следен датум на судење е 10 септември.

Родителите на Пајшер минатата недела изјавија дека нивниот син бил „многу грижлив и полн со љубов“ и дека требал да се врати на колеџот неколку дена подоцна.