БУГАРИЈА ИМА ТРЕТА НАЈВИСОКА ИНФЛАЦИЈА ВО ЕВРОЗОНА

Годишната инфлација во Бугарија е 5,1% во август, во споредба со 4,4% во јули, според прелиминарната проценка на Евростат за хармонизираниот индекс на потрошувачки цени (HICP), јави БТА.

Бугарија останува меѓу земјите од еврозоната со највисока инфлација, додека просечното ниво за валутната унија се зголеми на 3,3 %, во споредба со 2,9% еден месец претходно.

Повисока годишна инфлација од Бугарија во август е пријавена само во Литванија од 5,8 % и Кипар од 5,2%. Зад Бугарија се Шпанија со 4,5% и Белгија со 4,2%.

- Advertisement -

На месечна основа, потрошувачките цени во Бугарија се зголемија за 0,8% во август.

Според прелиминарната проценка на Евростат, забрзувањето на инфлацијата во еврозоната главно се должи на енергијата. Цените во оваа група се зголемија за 14,3% на годишно ниво во август, по зголемувањето од 10,3 % во јули.

Меѓу главните економии во валутната унија, Германија објави годишна инфлација од 2,9% во август, Франција 2,7%, Италија 3,2% и Шпанија 4,5%.

Најниска инфлација меѓу земјите претставени од Евростат е пријавена во Естонија од 1,3%, по што следат Малта со 1,9% и Финска со 2,4%.

Податоците покажуваат значително забрзување на инфлацијата во еврозоната во последните месеци. Во август, таа достигна 3,3%, што е за 1,3 процентни поени над среднорочната цел на Европската централна банка од 2%.