ДВЕ ЖЕНИ ЗАГИНАА ВО ПОПЛАВИ ВО ШПАНИЈА

Две жени загинаа во поплави и одрон во северозападниот дел на Шпанија, додека две бебиња се повредени, соопштија спасувачките служби во автономната област Кастилја и Леон.

Жртвите се две жени на возраст од околу 60 и 80 години, соопштија локалните власти.

- Advertisement -

Маж кој првично бил пријавен за исчезнат по поплавите во селото Мансанедо де Валдуеса, подоцна бил пронајден неповреден.

На местото на несреќата биле испратени екипи на противпожарната служба и полицијата, припадници на Граѓанската гарда, како и медицински тимови.

Градоначалникот на блискиот град Понферада, Марко Морала, изјави дека силните бури предизвикале голем нанос од камења, кал и тиња, што довело до смртта на двете жени.

Локалните медиуми објавија фотографии на кои се гледа сива маса од камења и кал што поминала низ селото и однела автомобил.