Земјотрес од 2,5 степени почувствуван во Гостивар и околината

Земјотресот со локална магнитуда од 2,5 степени бил регистриран во 16:10 часот, на околу 47 километри југозападно од Скопје.

Земјотрес со локална магнитуда од 2,5 степени според Рихтер денеска попладне го потресе епицентралното подрачје Тетово-Гостивар, соопшти Сеизмолошката опсерваторија при Природно-математичкиот факултет во Скопје.

Потресот бил регистриран во 16:10 часот, а епицентарот се наоѓал на околу 47 километри југозападно од Скопје.

- Advertisement -

Според информациите од Сеизмолошката опсерваторија, земјотресот бил почувствуван од жителите на Гостивар и околината, со интензитет од III до IV степени според Европската макросеизмичка скала.