Александра Пријовиќ овие денови ужива со семејството на Хвар, но едно сосема обично одење на пијалак се претворило во случка која брзо се проширила на социјалните мрежи

Александра Пријовиќ овие денови ужива со семејството на Хвар, но едно сосема обично одење на пијалак се претворило во случка која брзо се проширила на социјалните мрежи. Пејачката, нејзиниот сопруг Филип Живојиновиќ и нивните деца сакале накратко да седнат во еден ресторан, но на влезот биле одбиени.

Сепак, зад ситуацијата немало никаква кавга или непријатност. Девојката која ги пречекала едноставно не знаела кого има пред себе, а во ресторанот во тој период не примале гости кои сакале само да се напијат нешто. Таа подоцна ја раскажала целата случка во видео на социјалните мрежи, признавајќи дека воопшто не ѝ обрнала посебно внимание на познатата двојка.

Филип ја прашал дали можат само накратко да седнат и да се напијат нешто, но добил негативен одговор. Вработената им објаснила дека е време за вечера и ги упатила кон блиските кафулиња каде што можат да седнат само на пијалак. Во тој момент, како што раскажала, повеќе ѝ го привлекле вниманието нивните деца, кои ѝ биле „преслатки“.

- Advertisement -

Дури неколку моменти подоцна сфатила кого всушност одбила. Еден од гостите во ресторанот ја прашал што сакала жената која штотуку ја вратила од влезот, а кога таа се зачудила зошто го интересира тоа, ѝ кажал: затоа што е тоа Александра Пријовиќ.

Дури тогаш сфатила дека не пуштила да влезе во ресторанот една од најголемите музички ѕвезди во регионот. Девојката потоа снимила видео на Тик-Ток во кое ја објаснува целата ситуација и се шегува на своја сметка.

Таа ѝ испрати јавна покана на пејачката повторно да дојде во ресторанот: Пријо, те молам, дојди утре на пијалак. Јас ќе платам.

Видеото стигнало и до Александра, која покажа дека воопшто не се налутила поради случката. Напротив, ѝ одговара: Хахахахаха. Не се налутив! Се гледаме во некоја друга прилика. П.С. Јас честам!

Александра Пријовиќ ја нарекуваат и „единствената фолк дива од новата генерација“. Таа ја стекна популарноста откако се пласираше на четвртото место на телевизиското музичко реалити шоу „Ѕвезде Гранда“.

Во 2018. Александра се омажи за Филип Живојиновиќ, син од првиот брак на Слободан (Боба) Живојиновиќ, поранешен тенисер и сопруг на Лепа Брена.