Сообраќаен хаос во срцето на Охрид: „Чечеинија“ трае 14 години, а решение нема

Улицата Абас Емин, пресекот со Туристичка и со Гоце Делчев, еден од клучните влезови кон старото градско јадро на Охрид, секојдневно се претвора во сообраќаен колапс. Паркирани возила, камиони и комбиња буквално ја блокираат улицата до степен што две возила не можат нормално да се разминат.

Проблем стар 14 години

Според охриѓани, ситуацијата на овој потег, познат меѓу постарите жители под името „Чечеинија“, трае веќе 14 години без промена. Единствениот момент кога улицата е слободна за нормален проток е кога низ градот минуваат државни делегации. Веднаш штом посетата заврши, сликата се враќа на старото, паркирани возила, стеснета патека и хаотичен сообраќај.

Граѓаните низ социјалните мрежи веќе иронично „распишаа оглас“ за доделување на Климентова награда за животно дело на оној полициски началник или командир кој конечно ќе се справи со сообраќајниот безобразлук на овој дел од градот.

Што вели Законот за безбедност на сообраќајот на патиштата

- Advertisement -

Законот за безбедност на сообраќајот на патиштата јасно пропишува забрана за паркирање и застанување на места кои го попречуваат нормалниот проток на возила, особено на тесни улици во стари градски јадра каде минимална ширина мора да остане слободна за двонасочно движење.

Возилата паркирани спротивно на прописите можат да бидат:

• Изречена глоба согласно важечкиот прекршочен систем,
• принудно отстранети (паук служба) на товар на сопственикот,
• привремено одземени доколку го загрозуваат безбедниот сообраќај.

Права и обврски на полицијата

Сообраќајната полиција, согласно законот, има обврска редовно да го контролира и санкционира неправилното паркирање, особено на локации кои претставуваат постојан проблем, како овој во Охрид. Полицијата има право да:

• изрекува глоби на лице место,
• нареди отстранување на возило со паук служба,
• врши редовни, а не само повремени контроли, особено во туристичка сезона.

Она што охриѓани бараат е трајно решение, поставување сообраќајна сигнализација, забрани и редовно присуство на полиција, а не само привремено „чистење“ на улицата при протоколарни посети.

Охридскај