Реал Мадрид го комплетираше најскапиот трансфер во својата историја, откако официјално го претстави 19-годишниот Јан Диоманде како ново засилување на „Сантијаго Бернабеу“

Реал Мадрид го комплетираше најскапиот трансфер во својата историја, откако официјално го претстави 19-годишниот Јан Диоманде како ново засилување на „Сантијаго Бернабеу“.

„Кралскиот клуб“ потврди дека младиот офанзивец пристигнува од Лајпциг, а според договорот трансферот ќе изнесува 125 милиони евра, со дополнителни 15 милиони евра преку бонуси. Така, вкупната вредност на зделката може да достигне 140 милиони евра, што претставува нов рекорд во историјата на Реал Мадрид и ја надминува сумата што клубот ја плати за Џуд Белингем.

За Диоманде ова лето интерес покажуваа и европските гиганти ПСЖ и Ливерпул, но шпанскиот великан успеа да ја добие трката за потписот на еден од најталентираните млади фудбалери во Европа.

- Advertisement -

Во дресот на Лајпциг, 19-годишниот напаѓач одигра одлична сезона, постигнувајќи 12 голови и осум асистенции, по што беше прогласен за најдобар млад играч во Бундеслигата.

Диоманде е шестото засилување на Реал Мадрид во актуелниот преоден рок. Претходно во клубот пристигнаа Марк Кукуреља, Бернардо Силва, Ибрахим Конате, Дензел Дамфрис и Карлос Еспи, со што „кралевите“ испратија јасна порака дека амбициите за новата сезона се највисоки.