Падна мега дилер во Авто Камп Градиште, во приколка му се пронајдени кесички марихуана и коакин

Охридската полиција во Авто Камп Градиште кај Охрид, преку полициски службеници од криминалистичката полиција при СВР Охрид, лиши од слобода едно лице означено со иницијалите В.С.(39) од Скопје.

При претрес во камп приколката и во дворното место, извршен по судска наредба, полициските службеници пронајдоа и одзедоа шест кеси со марихуана, фолија со бела прашкаста материја, дигитална вага со остатоци од марихуана и други предмети.

По целосното документирање на настанот, против В.С. ќе биде поднесена кривична пријава по член 215 од Кривичниот законик, „Неовластено производство и пуштање во промет на наркотични дроги, психотропни супстанции и прекурсори“.

- Advertisement -

Лицето подолг временски период било предмет на опсервација од страна на полициски службеници на плажата Џангал Бич, каде што пред само една недела полициски службеници затекнале група малолетници на кои им се служел алкохол, но не било само алкохол.