На Богородица и Дојран се чека по 40 минути за излез

На граничните премини „Богородица“ и „Дојран“ се бележи зголемена фреквенција на возила, времето на чекање за излез од државата е околу 40 минути, соопшти АМСМ.

Оттаму информираат и на грчката страна од премините времето на чекање постојано варира и вообичаено е подолго.

На преминот „Табановце“ времето на чекање за влез во државата е околу 40 минути, а на останатите гранични премини од македонска страна, нема подолги задржувања за влез и излез од државата.

- Advertisement -

Сообраќајот на патиштата се одвива непречено, по суви коловози.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата..

На  патиштата во сила е летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.