Славниот Халанд е љубител на скапи чанти, а неговата колекција се проценува на повеќе од 750 илјади евра

Норвешкиот репрезентативец Ерлинг Халанд привлече големо внимание за време на ова Светско првенство, ама сега откривме за него уште една работа по која се издвојува од другите, а нема врска со фудбалот. Имено, тој се издвојува и со својата колекција луксузни чанти и веќе собрал импресивна колекција чанти Хермес чија вредност се проценува на повеќе од 650.000 фунти (околу 754.000 евра), пишува Дејли Меил.

- Advertisement -

Највредниот предмет во неговата колекција е исклучително ретката чанта Hermes Birkin 25 Himalaya Niloticus Crocodile, проценета на 330.000 фунти (околу 383.000 евра), со која е видена неговата девојка Изабел Хаугсенг Јохансен. Се верува дека Ким Кардашијан, Викторија Бекам и Џенифер Лопез го поседуваат истиот модел.

Познат и како љубител на модата, Халанд слезе од приватен авион носејќи уште еден редок предмет – чантата „Endless Road“ Haut à Courroies изработена од кожа од Того, вредна 45.000 фунти (околу 52.000 евра).

Во последните месеци, тој беше виден и со други модели на „Хермес“, вклучувајќи ја чантата „H Togo HAC Casaque Birkin 40 Palladium“ во вредност од 30.000 фунти (околу 34.800 евра), чантата „Toile Hac Birkin 40“ во вредност од 37.000 фунти (околу 42.900 евра) и чантата „Evercalf Toile Cargo Haut À Courroies Birkin“ чија цена е 50.000 фунти (околу 58.000 евра).

Покрај чантите, Халанд поседува и колекција часовници во вредност од еден милион фунти (околу 1,16 милиони евра).