РОЈ ОСИ УСМРТИ ЧОВЕК ВО БЕЛГРАД Тргнал да ѝ помогне на сосетката која штотуку се породила

Маж на 39-годишна возраст во Белград починал откако бил нападнат од рој оси. Toj помагал на своја сосетка да помести маса во дворот и не знаел што го чека, пишува Мондо.

Според сведоштвата на соседите, никој не знаел дека под масата се крие рој оси. Во моментот кога ја поместувал, инсектите излетале и повеќепати го каснале по главата и по вратот. На мажот веднаш му се слошило. Бил пренесен во здравствена установа, но и покрај напорите на лекарите не успеал да преживее.

Трагедијата уште повеќе ги потресла соседите бидејќи, како што велат, станувало збор за човек кој секогаш бил подготвен да помогне.

- Advertisement -

– Тој беше човек со златно срце. Само сакаше да ѝ помогне на сосетката која штотуку се породи. Никој не знаеше што се крие под масата – раскажала сосетка за српските медиуми.

Според неа, осите го нападнале речиси веднаш штом ја поместил масата.

– Го каснаа по главата и по вратот. Веднаш му се слоши. Го однесоа на лекар и сите се надевавме дека ќе се спаси, но потоа стигна ужасната вест.

Починатиот зад себе оставил сопруга и три деца. Најмалото од нив годинава требало да тргне во прво одделение.

Белградските медиуми наведуваат дека ова е втор смртен случај поврзан со убод од оси за помалку од две недели.

На 2 јули во населбата Рипањ починал 71-годишен маж, кој исто така бил нападнат од рој оси додека престојувал на приватен имот. И покрај брзата реакција на службите, лекарите тогаш можеле само да констатираат смрт.