Бугарија се повлекува од коалицијата на земји кои ја поддржуваат Украина во одбраната од руската агресија

Бугарија се повлекува од коалицијата на земји кои ја поддржуваат Украина во одбраната од руската агресија, објави бугарскиот претседател Румен Радев.

Одлуката претставува ново дистанцирање на Софија од дел од европските сојузници кои продолжуваат да ја поддржуваат Украина со воена и со финансиска помош.

– Ние не учествуваме во коалиција што инсистира на продолжување на финансиската и на воената помош за Украина – изјави Радев.

- Advertisement -

Бугарскиот претседател, кој со години е критичен кон испраќањето оружје за Киев, повторно нагласи дека не поддржува понатамошна ескалација на конфликтот.

– Решението за овој конфликт не лежи во неговото продолжување со воени средства, туку во силна дипломатска мисија што конечно ќе ја запре ескалацијата – рече Радев.

Иако Бугарија учествуваше на претходните состаноци на коалицијата, земјата не испрати свој претставник на средбата што се одржа во Париз.

Радев и претходно ги отфрлаше обвинувањата дека зазема проруски став, тврдејќи дека се залага за прагматични односи со Москва и за дипломатско решение на војната.