ГФК Охрид Лихнодос : Добредојде, Горан Силјановски, Шаро!

ГФК Охрид Лихнидос со големо задоволство го претставува своето најново засилување, искусниот десен бек Горан Силјановски, познат како Шаро.

Силјановски зад себе има богата и успешна кариера, со над 300 сениорски настапи, од кои повеќе од 250 во Првата македонска фудбалска лига, каде постигнал 12 гола. Во кариерата настапувал за Македонија Ѓорче Петров, Вардар, Тетекс, Ренова, Работнички, Брегалница и Беса, а поминал и низ албанскиот фудбал во дресовите на Фламуртари и Динамо Тирана. Дел е и од историјата на репрезентацијата, како поранешен член на сениорскиот национален тим на Македонија.

Во својата збирка трофеи има титула шампион на Македонија и три Купа на Македонија, што го сместува меѓу најискусните и најтрофеjните имиња во домашниот фудбал.

- Advertisement -

Со неговото искуство и квалитет, ГФК Охрид Лихнидос уште повеќе се зацврстува пред предизвиците што следуваат.

Му посакуваме многу здравје, успешни настапи и заеднички победи во сино-белиот дрес.

Добредојде во Охрид, Шаро!

С.Д.